თავზე უნდა გადაახიო ეს განცხადება ავტორსაც და გამავრცლებელსაც- ელისაშვილი

პოლიტიკა - 20:22, 20 Dec, 2014

6720

თბილისის საკრებულოს წევრი ალეკო ელისაშვილი უკრაინაში ქართველი მებრძოლის ალექსანდრე გრიგოლაშვილის დაღუპვასთან დაკავშირებით საქართველოს თავდაცვის სამინისტროს მიერ გავრცელებულ განცხადებას ეხმაურება:
"თავზე უნდა გადაახიო ეს განცხადება ავტორსაც და გამავრცლებელსაც. სამინისტროა თუ დუქანი, როგორ შეიძლება ასეთი რამის დაწერა? ვახ"- წერს ელისაშვილი

შეგახსენებთ, თავდაცვის სამინისტრომ ქართველი მებრძოლის დაღუპვაში პასუხისმგებლობა ყოფილ ხელისუფლებას დააკისრა:

" ალექსანდრე გრიგოლაშვილის დაღუპვის გამო, სრული პასუხისმგებლობა ეკისრებათ ყოფილი ხელისუფლების წარმომადგენლებს, რომლებიც საქართველოს მოქალაქეებს მოუწოდებენ, მონაწილეობა მიიღონ ჩვენი ქვეყნის ფარგლებს გარეთ მიმდინარე საბრძოლო მოქმედებებში. თავდაცვის სამინისტროს მხრიდან არაერთხელ აღინიშნა, რომ მსგავსი მოწოდებები არის უპასუხისმგებლო და ემსახურება საქართველოს შეიარაღებული ძალების ყოფილი და მოქმედი სამხედრო მოსამსახურეების შეცდომაში შეყვანას.

თავდაცვის სამინისტრო მოუწოდებს საქართველოს ყველა მოქალაქეს, არ აყვეს პროვოკაციას და სხვადასხვა შემოთავაზების სანაცვლოდ არ ჩაიგდოს საკუთარი სიცოცხლე საფრთხეში."-წერია უწყების მიერ გავრცელებულ განცხადებაში.