„ნაციონალური მოძრაობა“ ალექსანდრე გრიგოლაშვილის დაღუპვასთან დაკავშირებით თავდაცვის სამინისტროს განცხადებას სამარცხვინოს უწოდებს. „ნაციონალური მოძრაობის“ ერთ-ერთი ლიდერის გიგა ბოკერიას განცხადებით, საქართველოს თავდაცვის უწყების ხელმძღვანელი სხვა ქვეყნის ინტერესებს გამოხატავს:

„პირველ რიგში მინდა გარდაცვლილის ოჯახს, მის მეგობრებს სამძიმარი გამოვუცხადო, ამ ადამიანმა თავი შეწირა უკრაინის თავისუფლებას და აქედან გამომდინარე საქართველოს თავისუფლებას და ის ებრძოდა ჩვენი ქვეყნის მტერს.

რაც შეეხება ჩვენი თავდაცვის სამინისტროს განცხადებას, მრცხვენია, რომ საქართველოს ასეთი თავდაცვის მინისტრი ყავს, უფრო სწორად დღეს ჩვენ დადასტურებულად გავიგეთ, რომ არ გვყავს ჩვენი ქვეყნის თავდაცვის მინისტრი და ის სხვა ქვეყნის ინტერესებს გამოხატავს, სხვა შეფასება გარდა პოლიტიკური ნაძირლობისა მე არ მახსენდება ამ განცხადების წაკითხვის შემდეგ.“- აცხადებს ბოკერია.