ენერგეტიკის მინისტრი კახა კალაძე ამბროლაურის რაიონის სოფელ ჭრებალოში დაგეგმილი ჰიდროელექტროსადგურის მშენებლობის წინააღმდეგ გამართულ აქციას მართულ პროცესად აფასებს. ვიცე პრემიერის თქმით ინფორმაცია იმის შესახებ, რომ ჰესის მშენებლობა ტერიტორიის დატბორვას გამოიწვევს, არასწორია.

„ეს არის სრული მარაზმი და სისულელე, არაფერი იტბორება. ჯერ უნდა ჩატარდეს კვლევითი სამუშაოები ყველა მიმართულებით - ეს იქნება ეკოლოგიური, ფინანსური თუ სეისმური და ამის შემდეგ იქნება მიღებული გადაწყვეტილება. ვფიქრობ, ეს არის მართული პროცესი. საქართველოს გაძლიერებას, აღმშენებლობას ვერავინ, ვერც ერთი დაჯგუფება ვერ შეუშლის ხელს“, - განაცხადა კახა კალაძემ.