მსახიობი თინა მახარაძე, ფეისბუქ გვერდზე საკუთარი თავგადასავალის შესახებ წერს, რომელიც ღამის კლუბიდან გამოსულს გადახდა.

"გალერიდან გამოვბანცალდი.ღამენათევი და ნამთვრალევი.ფეხებთან მომიჩერდა თეთრი ტოიოტა რაღაც:(მე უფრო- უკარო ტრანსპორტიიი. ან საზ.) -"თინააა,დაჯექი,ჩვენ გაგიყვანთ". (ესეთ დროს გრიშაშვილი,ტერენტი გრანელი და გალიკ' ერთად მგონია ხოლმე თავი)ისედაც გლდანში მომავალისთვის დილის 6 საათზე და მითუმეტეს ჩემსავით დამპალი თავგადასავლების მაძიებელისთვის კარგი წინადადებაა.არ ვემდური არაფერს ვუაბშე.

თავპატიჟი აღარ გამოვიდე.დავჯექი.გოგოა საჭესთან-ქერად შეღებილი მოკლე თმით,მელირებაც რომ ილანდება ბუნდოვნად,ნაცრისფერი თბილი კაპიუშონით და მკვეთრად სქელი ტუჩებით.იბერო-კავკასიური სთრით სთაილ არალი პრობლემა. ბიჭია-ბიჭია რა. ეგეთ გოგოს რომ უნდა ახლდეს,ისეთი.

მოკლე დიალოგი-გავიარეთ.ჩართეს მუსიკა.ირაკლი ჩარკვიანი.ვახ-მეთქი,ვფიქრობ და ვყანყალებ,ვეღვენთები დაორთქლილ მინას,დავიწყო ახლა ეგრე საღერღელაშლილმა ლაპარაკი ამ კაცის მნიშვნელობაზე,რომ უბრალო'თ კარგი მელოდია მარჯვენა სანაპიროზე,ღამის პეიზაჟს რომ კიდევ უფრო ფანტასმაგორიულს ხდის კი არა,კაცი,როგორც რომ მხედრული დამწერლობა-მთელი ჩვენი ეროვნული იდენტობა-სულყოფილიც და სრულყოფილი და ა.შ. და ა.შ. თუ -იჯექი,გოგო,ჩუმად! და ამ დროს,თითქოს ზეციდან პასუხად, ირაკლი ჩარკვიანს აი, ეგრე თამამად მოსდევს "ქუჩის ბიჭები" და ნინი ქარსელაძე. ვახ. მერე რო წავიდა,სულ ტექნოები იყო ლამაზ-ლამაზად.

და აი,მანდ გავისიგრძეგანე ქეთი დევდარიანის ეგეთი ვითომ მარტივი(არაფერი შეგეშალოთ),ზუუუუსტი სიტყვათა შეთანხმება: "ეკლექტური საქართველო". რავი,მეგობრებო. თქვენ კარგად იყავით.წმინდა წყლის არა,მაგრამ ერთგვარი ანთროპოლოგიური მიმოხილვა,მეტი არაფერი.მადლობელი გოგო ამ გოგო-ბიჭს. კარგის მეტი რა მეთქმის,მე თუ ღრჯო და უზნეო არ ვარ." წერს თინა მახარაძე.