საქართველოს მესამე პრეზიდენტმა უკრაინის პირველი არხის თოქ-შოუში "შუსტერ ლაივში" მიიღო მონაწილეობა. მიხეილ სააკაშვილმა უკრაინის კრიზისის საკითხზე მიძღვნილ გადაცემაში არსებული ვითარება შეაფასა და პუტინის რეჟიმზე ისაუბრა.

"პუტინს ცუდად აქვს საქმე, რუსეთის ეკონომიკა იშლება. დიახ უკრაინაშიც რთულადაა სქმე , თუმცა რუსეთში ნავთობისა და გაზის რესურსების მიუხედავად გაცილებით მძიმე ვითარებაა. საშუალო ფენა განადგურებულია. ოლიგარქები გარბიან და მზად არიან საკუთარი ხელისუფლების წინააღმდეგ განეწყონ. სახელმწიფო უშიშროების სამსახური ვეღარ უზრუნველყოფს თავის მოვალეობას. ჩვენ არ ვსაუბრობთ ათწლეულებსა და წლებზე, როდესაც ვამბობთ, რომ საჭიროა ხალხის გადასახლება , სად უნდა გადაასახლოთ? საჭიროა ამ ტერიტორიების დაბრუნება. თუმცა აუცილებელია ამ ტერიტორიების კონტროლს დაქვემდებარება. ეს ტერიტორიები უკრაინის დაქვემდებარებაში უნდა დაბრუნდეს და ეს იმაზე სწრაფად მოხდება ვიდრე ხალხს წარმოუდგენია,"-განაცხადა მიხეილ სააკაშვილმა.

„პუტინი ისეთ მხეცს გამოუშვებს, რომელიც მას თავადვე შეჭამს. მე კარგად ვაფასებ მის შესაძლებლობებს, მაგრამ მან ჩვენი სულის სიმტკიცე ვერ გატეხა. დიახ, მან მოახდინა ჩვენი ტერიტორიების ოკუპაცია, დახოცა მოქალაქეები და რამდენიმე წლით უკან დაგვხია, თუმცა ჩვენ კვლავ განვაგრძობთ წინსვლას და განვითარებას და ვაგრძელებთ სახელმწიფოებრიობრივი დამოუკიდებლობის იდეას“, - ამბობს მიხეილ სააკაშვილი და აღნიშნავს, რომ სახელმწიფოებრიობრივი დამოუკიდებლობის იდეა როგორც არასდროს ისე ცოცხლობს დღეს უკრაინაში.

„სწორედ ამიტომ, ამ თავისუფალ ნებას ვერ მოერევა მას მოუწევს აქედან წასვლა“, - აცხადებს მიხეილ სააკაშვილი.