პრემიერ-მინისტრმა ირაკლი ღარიბაშვილმა რუსეთის პრეზიდენტთან შესაძლო შეხვედრაზე ისაუბრა და განაცხადა, რომ საქართველოს ხელისუფლებას ამ შეხვედრასთან დაკავშირებით პრინციპულად ჩამოყალიბებული მზაობა გააჩნია.

"ჩვენ გვაქვს პრინციპულად ჩამოყალიბებული მზაობა, რომ ასეთი შეხვედრა შედგეს, მაგრამ როდის, როგორ და რა ფორმატით შედგება, ამას სჭირდება კარგი მომზადება, კარგი გაანალიზება. შეხვედრა შეხვედრისთვის, მიმაჩნია, რომ არასწორია. შეხვედრა უნდა იყოს მიმართული კონკრეტულ შედეგზე და ასეთ შემთხვევაში, ჩვენ კიდევ ერთხელ ვაფიქსირებთ მზაობას, რომ ასეთი შეხვედრისთვის საქართველოს მთავრობა, რომელიც არის გადაწყვეტილების მიმღები, მიიღებს მონაწილეობას და პირადად მეც მივიღებ მონაწილეობას", - განაცხადა ირაკლი ღარიბაშვილმა.