საქართველოს პრემიერ-მინისტრი ირაკლი ღარიბაშვილი მადლობის წერილს უგზავნის ყევლა იმ საჯარო მოხელეს, რომელთა თანადგომით "სოლიდარობის ფონდმა" მძიმე სენით დაავადებული 21 წლამდე ასაკის 48 ახალგაზრდისმკურნალობა დააფინანსა.
„ჩვენ კეთილშობილურმა მიზანმა გაგვაერთიანა - ეს არის ბრძოლა სიცოცხლის გადასარჩენად! სწორედ თქვენი თანადგომით გახდა შესაძლებელი მძიმე სენით დაავადებული 48 ბავშვის მკურნალობის სრულად დაფინანსება. ეს ჩვენი ერთად დგომის, ჩვენი სოლიდარობის შედეგია. ეს უმნიშვნელოვანესი საქმე კიდევ ბევრ სიკეთეს მოუტანს საზოგადოებას. მჯერა, ჩვენ ერთად გადავარჩენთ ადამიანების სიცოცხლეს, ბევრ ოჯახს მოვუტანთ სიმშვიდესა და სიხარულს“, - ნათქვამია პრემიერ-მინისტრის მადლობის წერილში.

შეგახსენებთ, რომ 20 დეკემბერს მსოფლიო ადამიანთა სოლიდარობის საერთაშორისო დღეს აღნიშნავს.