„ნაციონალური მოძრაობის“ წევრები სენაკის გამგებლის გადადგომას ითხოვენ. მათი ინფორმაციით გოჩა დგებუაძემ უტენდეროდ ჩატარებული შესყიდვებით ორი წლის განმავლობაში საკუთარი ძმების კომპანიას მუნიციპალური ბიუჯეტიდან 400.000 ლარამდე გადაურიცხა.

„ჩვენ არაერთხელ წარმოგიდგინეთ ივანიშვილის კორუფციული მართველობის არაერთი დამამტკიცებელი დოკუმენტი, დღეს გვინდა გესაუბროთ სენაკის გამგეობაზე, სადაც მართლაც შემაშფოთებელი ფაქტები ხდება. ეს ფაქტები ადასტურებს, რომ კორუფცია არის სისტემური ხასიათის, თითქმის ყველა რაიონში ხდება ასეთი ტიპის გარიგებები, ბიუჯეტის თანხების არამიზნობრივი ხარჯვა და ამ ნიშნით გაფორმება სხვადასხვა კონტრაქტების. ჩვენ ვთვლით რომ ჩვენი ხელისუფლება მთლიანად არის ჩაფლული ამ გარიგებებში. მე ვთვლით რომ სენაკის გამგებელი, რომელიც პირდაპირ თავისი ოჯახის წევრებს ურიგებს საბიუჯეტო თანხებს, ის აღარ არის უფლება მოსილი დარჩეს ამ თანამდებობაზე და მე ვთვლი რომ აუცილებლად უნდა დადგეს მისი გადაყენების საკითხი“.- განაცხადა ირმა ნადირაშვილმა