უზენაესი სასამართლოს თავჯდომარის კონსტანტინე კუბლაშვილის განცხადებით, ყველა მოსამართლე ფიქრობს, რომ სამწლიანი გამოსაცდელი ვადა მათი დამოუკიდებლობისთვის დიდი საფრთხეა. როგორც კუბლაშვილი აღნიშნავს, სასამართლო რეფორმის ქვაკუთხედი სწორედ მოსამართლეთა უვადოდ დანიშვნის საკითხი უნდა გახდეს.

„მე მივესალმები ამას, იმიტომ რომ ერთ-ერთი პირველი, რასაც ვითხოვთ და რის გაკეთებასაც სასამართლოს რეფორმა გულისხმობს, არის ის, რომ მაგალითად, გაუქმდეს სამწლიანი გამოსაცდელი ვადა. ეს უნდა იყოს რეფორმის ერთ-ერთი ქვაკუთხედი. სამწუხაროდ, ასე არ ფიქრობს პოლიტიკური ხელისუფლების ძალიან დიდი ნაწილი და ესაა განსხვავება ჩვენს შორის. ყველა მოსამართლე ფიქრობს, რომ სამწლიანი გამოსაცდელი ვადა დიდი საფრთხეა მათი დამოუკიდებლობისთვის“, - განაცხადა კონსტანტინე კუბლაშვილმა.