საკრებულოს დამოუკიდებელი დეპუტატის ალეკო ელისაშვილის თქმით, ის დედაქალაქის ბიუჯეტის პროექტს მხარს არ უჭერს, რადგან იქ არსებული ჩანაწერები მისთვის მიუღებელია.

მისი თქმით, კულტურული სამსახურისთვის და გამწვანებისთვის სამარცხვინო თანხაა გამოყოფილი.

„გამწვანებისთვის გამოყოფილი თანხა სამარცხვინოა, ასევე ცოტაა კულტურული სამსახურისთვის და კულტურული მემკვიდრეობის დაცვისთვის გამოყოფილი თანხა. 90 მილიონი ლარი ადმინისტრაციული ხარჯებისთვის, მიმაჩნია, რომ ძალიან ბევრია და მიუთითებს იმაზე, რომ ქალაქის მერიას ქამრების შემოჭერა არ სურს. ქამრების შემოჭერა იყო თქვენი ლამაზი ტყუილი", - განაცხადა ალეკო ელისაშვილმა.