პარლამენტის საშემოდგომო სესია ბიუროს სხდომით დაიხურა.

ვიცე-სპიკერის, მანანა კობახიძის თქმით, საკანონმდებლო ორგანო მომავალ კვირას რიგგარეშე სხდომაზე შეიკრიბება.

''დღეს დეკემბრის მესამე პარასკევია, რაც ნიშნავს იმას, ბიუროს დღევანდელი სხდომით საშემოდგომო სესია დაიხურება. ეს არ ნიშნავს, რომ ჩვენ მუშაობა დავამთავრეთ. დარჩენილია საკითხები, რომლებზეც პარლამენტს მუშაობა არ დაუსრულებია, მომავალ კვირას რიგგარეშე სხდომის ფორმატში შევიკრიბებით", - განაცხადა მანანა კობახიძემ და დასძინა, რომ რიგგარეშე სხდომის მოწვევის თაობაზე პარლამენტი შესაბამისი წინადადებით პრეზიდენტს მომავალი კვირის ორშაბათს მიმართავს.