წარწერები დისკებზე - „შემთხვევის ადგილი“, „ჟვანია

წარწერები დისკებზე - „შემთხვევის ადგილი“, „ჟვანია - პროზექტურა“,„უსუპოვი“

პოლიტიკა - 16:44, 19 Dec, 2014

4344

საქალაქო სასამართლოში ზურაბ ჟვანიას საქმეზე ბრალდებული სამედიცინო ექსპერტის ლევან ჩაჩუას სასამართლო პროცესი გაიმართა.
პროცესზე ბრალდების მხარის მოწმე გიორგი ცხოვრებაძე დაიკითხა. მოწმეს კითხვები მისი გამომძიებლად მუშაობის პერიოდთან დაკავშირებით დაუსვეს.

ცხოვრებაძის თქმით, 2012 წელს, როდესაც მთავარ პროკურორად არჩილ კბილაშვილი დაინიშნა, მის კაბინეტში დაიბარეს, სადაც იმ სეიფის გახსნა და დათვალიერება მოხდა, რომელშიც ჟვანიას საქმის ამსახველი ვიდეო და აუდიოჩანაწერები ინახებოდა. იგი აღნიშნულ ვიდეო და აუდიოჩანაწერებს არ გაცნობია.

„დისკებზე იყო წარწერები - „შემთხვევის ადგილი“, „ჟვანია - პროზექტურა“, ერთ ჩანაწერს „უსუპოვი“ ეწერა. ჩვენ მხოლოდ დავათვალიერეთ, შემდეგ კი აღვწერეთ და დავლუქეთ. დეტალები ჩემთვის უცნობია“ - განაცხადა ცხოვრებაძემ.

პროცესზე ბრალდების მხარემ დაცვის მხარეს სადავო მტკიცებულებები გადასცა. ბრალდების მხარემ მტკიცებულებები წარადგინა, მათ შორის იყო შემთხვევის ადგილის ოქმი. სასამართლო პროცესზე ბრალდების მხარემ ექსპერტიზის ვიდეოჩანაწერების წარდგენა მოითხოვა.