„ევროპელი დემოკრატების“ ლიდერი პაატა დავითაია ოკუპირებული ტერიტორიების მართვის სამინისტროს შექმნის ინიციატივით გამოდის.

ამის შესახებ დავითაიამ არასაპარლამენტო პარტიების პრეზიდენტთან შეხვედრის დაწყებამდე განაცხადა.

როგორც მან აღნიშნა, გიორგი მარგველაშვილთან შეხვედრაზე იმ ათპუნქტიან გეგმას გააცნობს, რომელიც რუსეთის მიერ განხორციელებული ანექსიის წინააღმდეგ ღონისძიებების გატარებას ითვალისწინებს.

„ჩვენს მიერ შემუშავებულია 10-პუნქტიანი გეგმა, რომელიც ითვალისწინებს გარკვეული ღონისძიებების გატარებას. გეგმის მეორე პუნქტი არის ადგილობრივი მოსახლეობისთვის ღია მესიჯ-ბოქსების გაგზავნა და ჩვენება, თუ რა არის ევროპული გზა და რა არის რუსული. ასევე, გამოვდივართ ინიციატივით, შეიქმნას ოკუპირებული ტერიტორიების მართვის სამინისტრო, რათა ყველა თემის აკუმულირება ამ უწყებაში მოხდეს“, - განაცხადა დავითაიამ.