საქართველოს პრეზიდენტის თქმით, ევროკავშირთან ასოცირების ხელშეკრულების რატიფიცირება არის მნიშვნელოვანი ნაბიჯი საქართველოს მთავარი მიზნისკენ, გახდეს ევროკავშირის წევრი.

ამის შესახებ გიორგი მარგველაშვილმა „როიტერთან“ ინტერვიუს დროს განაცხადა.

მან რუსეთის სავალუტო კრიზისსა და უკრაინის კონფლიქტზეც ისაუბრა და განაცხადა, რომ ამით საქართველოს ეკონომიკაც დაზარალდა.

მისივე მტკიცებით, ქვეყნის ეკონომიკა წელიწადში 5-6 %-ით მაინც იზრდება. მარგველაშვილმა საქართველოს ევროატლანტიკურ მისწრაფებების ერთგულებაზეც ისაუბრა.

„საქართველოში დემოკრატიის დონე ამაღლდა, თუმცა ახალ პოლიტიკურ გარემოსთან შესაგუებლად ქვეყნის ოფიციალურ პირებს დრო სჭირდებოდათ“, - განაცხადა მარგველაშვილმა.