ხელშეკრულების განხორციელება საქართველოსთვის და ევროკავშირისთვის იოლი არ იქნება- ჰერმანი

პოლიტიკა - 09:40, 19 Dec, 2014

1554

საქართველოში ევროკავშირის ელჩმა იანოშ ჰერმანმა საგარეო საქმეთა სამინისტროში გამართულ ბრიფინგზე საქართველოს ევროკავშირის მხრიდან მხარდაჭერა კიდევ ერთხელ გამოუცხადა.

როგორც ჰერმანმა განაცხადა ასოცირების ხელშეკრულების რატიფიცირება ისტორიული მოვლენაა და იგი ქართველი ერის ნებას გამოხატავს და ევროკავშირი მზად არის საქართველოს დემოკრატიის მშენებლობაში დაეხმაროს

ამასთან, მისი თქმით, ასოცირების ხელშეკრულება იმ გადაწყვეტილების მიმართ სრულ ნდობას გამოხატავს, რითაც საქართველოსა და ევროკავშირის ურთიერთობები ახალ ფაზაში გადადის.

„როგორც უკვე ავღნიშნეთ, ასოცირების ხელშეკრულების განხორციელება არც საქართველოსთვის და არც ევროკავშირისთვის იოლი არ იქნება, რადგანაც ეს არის ურთიერთობების გარდაქმნა. ახლა ამოცანაა ის, რომ დემოკრატიის მიმართულებით რეფორმები გაგრძელდეს, ასევე, გაგრძელდეს სასამართლოს რეფორმირება“, - განაცხადა ევროკავშირის ელჩმა.

მისივე თქმით, მხარეების ამოცანა ეკონომიკური მიმართულებით ურთიერთობების გაგრძელებაა, რადგანაც თავისუფალი ვაჭრობის შეთანხმებას მნიშვნელოვანი შედეგები მოაქვს.

ჰერმანის განმარტებით, საქართველოსა და ევროკავშირის საერთო მიზანი ასევე ვიზალიბერალიზაციის მიმართულებით მუშაობაა, რომლისკენაც საქართველო მიილტვის.

„ევროპარლამენტმა მტკიცედ გადაწყვიტა, რომ თქვენთან ერთად კონფლიქტების მოგვარების საკითხზე იმუშაოს. ევროკავშირმა დაადასტურა სრული ნდობა ურთიერთობების შესახებ და ჩვენ მზად ვართ საქართველოს დემოკრატიის მშენებლობაში დავეხმაროთ“, - ჰერმანმა.

სტრასბურგში, გუშინ ევროპარლამენტმა ევროკავშირთან საქართველოს ასოცირების ხელშეკრულების რატიფიკაცია მოახდინა. დოკუმენტი უკვე ევროკავშირის წევრ 11 ქვეყანას აქვს რატიფიცირებული.