საქართველოსა და ევროპას შორის ასოცირების ხელშეკრულების რატიფიცირების პროცესზე მიხეილ სააკაშვილს დასწრებამ აზრთა სხვადასხვაობა გამოიწვია უმრავლესობის წევრებში. ერთ-ერთი ვინც მიხეილ სააკაშვილის მიწვევის საკითხში პრობლემას ვერ ხედავს დავით ბერძენიშვილია, მისი თქმით ევროპასთან დაკავშირებით საქართველოს ყველა მთავრობას საერთო ხედვა ჰქონდა.

„რომ მოსწრებოდა ამ დღეს ედუარდ შევარდნაძე, რომელთანაც ისევე როგორც სააკაშვილთან ოპოზიციაში ვიყავი, მე მივესალმებოდი, რომ ისიც დასწრებოდა რატიფიცირებას, რადგან საქართვერლოს ყველა ხელისუფლება შევარდნაძის ხელისუფლებიდან დაწყებული ევროპულ არჩევანში იყო გულწრფელი“- განაცხადა დავით ბერძენიშვილმა.