ექსპერტი თორნიკე შარაშენიძე მიიჩნევს, რომ ევროკავშირთან ასოცირების ხელშეკრულების რატიფიცირება არის გამარჯვება, რომელსაც თან დიდი პასუხისმგებლობა ახლავს.

ამის შესახებ შარაშენიძემ „ნიუპოსტთან“ საუბარში განაცხადა.

„რატიფიკაციის შემდეგ საქართველოს ეხსნება პერსპექტივა, მაგრამ ამავე დროს საქართველოს მიმართ იქნება კიდევ უფრო მეტი კრიტიკა, თუ იქნება დემოკრატიის ნორმების გადაცდომები. იმედი მაქვს, რომ ამ ყველაფერს ეს მთავრობა გაიაზრებს, შეეგუება და აღარ იქნება საუბარი, რომ სიცრუეში ცხოვრობენ და მოატყუეს და ასე შემდეგ. ეს უნდა გაითავისოს მთავრობამ. ეს არის გამარჯვება, რომელსაც ახლავს პასუხისმგებლობა“, - განაცხადა შარაშენიძემ.

ევროპარლამენტმა საქართველოს შესახებ რეზოლუცია მიიღო. ანდრეი მამიკინსის ანგარიშის საფუძველზე მომზადებულ რეზოლუციას მხარი 638 დეპუტატიდან 491 –მა დაუჭირა, წინააღმდეგი კი - 84 დეპუტატი, 63-მა თავი შეიკავა.