საპარლამენტო უმრავლესობის წევრის ეკა ბესელიას თქმით, მიხეილ სააკაშვილის ევროპარლამენტში ყოფნა უხერხულობას უქმნის არა ევროპარლამენტს, არამედ მის მეგობრებს, რომლებმაც ის სესიაზე მიიწვიეს.

„ეს არის ის უხერხულობა, რომელიც მის ყოფნას ახლავს არა ევროპარლამენტისთვის, არამედ მისი მიმწვევისთვის. ამ შენობის გვერდით არის ევროპის სასამართლო, რომელმაც თქვა, რომ საქართველოს ყოფილი პირველი პირი ჩადიოდა დანაშულს,“ - განაცხადა ბესელიამ.

ევროპარლამენტმა საქართველო-ევროკავშირის ასოცირების ხელშეკრულების რატიფიკაცია მოახდინა. რატიფიცირებას 490-მა ევროპარლამენტარმა დაუჭირა მხარი. წინააღმდეგი იყო 76, თავი შეიკავა 57-მა. სულ ხმის მიცემაში 623 ევროპარლამენტარი მონაწილეობდა. პროცესს საქართველოს პრეზიდენტი და ექსპრეზიდენტი დაესწრნენ.