ევროკავშირთან ასოცირების ხელშეკრულების რატიფიცირებას "ნაციონალური მოძრაობის" წევრები საზეიმო მიღებით აღნიშნავენ.

საპარლამენტო უმცირესობის ლიდერმა, დავით ბაქრაძემ, პარტიის მთვაარ ოფისში საზეიმო ტორტიც გაიჭრა.

„ევროპული საქართველო ნიშნავს გამთლიანებულ, დაცულ ქვეყანას, სადაც თითოეული ადამიანი თავისუფალია საკუთარ არჩევანში, სადაც ყველა ოჯახში არის კეთილდღეობა და ღირსეული ცხოვრების პირობები. სწორედ ამიტომ ოცნებობდნენ ჩვენი წინაპრები ევროპაზე და სწორედ ამიტომ ვაკეთებთ ყველაფერს იმისთვის, რომ საქართველო იყოს ევროპის ნაწილი. მინდა მადლობა ვუთხრა ყველა იმ ადამიანს, ვის მიერ გაწეულმა შრომამაც მოგვიყვანა დღევანდელ დღემდე. მათი დიდი ნაწილი დღეს აქ იმყოფება. ერთად გავაგრძელოთ ბრძოლა და მე დარწმუნებული ვარ, ჩვენ ყველა ერთად ვიზეიმებთ ევროკავშირში გაწევრიანებას,“- განაცხადა დავით ბაქრაძემ.