ენერგეტიკის მინისტრი კახი კალაძე რაჭაში ელექტროსადგურის მშენებლობასთან დაკავშირებით განმარტებებს აკეთებს.

მისი თქმით, ზოგიერთი მედიასაშუალება მშენებლობის შესახებ არასწორ ინფორმაციას ავრცელებს.

როგორც მინისტრის განმარტავს, პროექტი არ ითვალისწინებს ტერიტორიის დატბორვას, მოსახლეობის გადასახლებას და ვაზის უნიკალური ჯიშებისთვის საფრთხის შექმნას.

„პროექტის ყველა ეტაპზე დაცული იყო საჯაროობა. საქართველოს მთავრობასა და თურქულ კომპანიას შორის დაიდო მემორანდუმი, რაც მოიცავს 18 თვის განმავლობაში პროექტის ეკოლოგიურ, ფინანსურ, სოციალურ და ტექნიკურ შესწავლას, მხოლოდ ამის შემდეგ, კანონის სრული დაცვით მოხდება პროექტის მიზანშეწონილობაზე საუბარი“, -განაცხადა კახა კალაძემ.

მინისტრმა მზადყოფნა გამოთქვა, რომ ყველა დაინტერესებულ მხარეს სრული ინფორმაცია მიაწოდოს .