საყდრისის აფეთქების საკითხს უმრავლესობის წევრი, სოსო ჯაჭვლიანი ეხმაურება და აცხადებს, რომ საყდრისის აფეთქება ნაჩქარევად მოხდა.

ჯაჭვლიანის თქმით, სასამართლოს გადაწყვეტილების გამოტანამდე საყდრისის აფეთქება არ შეიძლებოდა, რადგან ჯერ უნდა გარკვეულიყო საყდრისის საბოლოო სტატუსი და მხოლოდ ამის შემდეგ უნდა მომხდარიყო გადაწყვეტილების მიღება.

„ჯერ სასამართლოს გადაწყვეტილება არ ჰქონდა გამოტანილი, შესაბამისად, ვსვამ კითხვას: როგორ შეიძლება სასამართლოს გადაწყვეტილება არ არსებობდეს და შენ საყდრისის აფეთქება დაიწყო, ეგრე სად არის, ძმაო?! დავიჯერო ერთ-ორი დღე წყვეტდა ყველაფერს?! დაელოდე პასუხს და თუ ასაფეთქებელია, მერე ააფეთქე რა. ერთხელ და სამუდამოდ ხომ უნდა გავიგოთ, რომ ასე ხელაღებით ყველაფერზე ხაზის გადასმა არ შეიძლება. დასხდნენ კომპეტენტური ადამიანები, რათა ერთხელ და სამუდამოდ გაირკვეს არის თუ არა საყდრისი ძეგლი. ამის გარკვევა აუცილებლად უნდა მომხდარიყო და მხოლოდ ამის მერე უნდა გადაეწყვიტათ აეფეთქებინათ, თუ - არა. თუ ის მართლაც არაა ძეგლი, კი, ბატონო, რაზეა ლაპარაკი ,ააფეთქე, მაგრამ როდესაც თუნდაც ერთი ადამიანი ამბობს, რომ ეს მნიშვნელოვანი ძეგლია, გამოიკვლიე, დაშავდება ამით რამე?! თუ წარსულს დაივიწყებ, მომავალი არასოდეს გექნება. ამხელა სჯა-ბაასი მიდის ამ თემის ირგვლივ რახანია და ასე მოულოდნელად ვითარების გამწვავება და ხალხის გაღიზიანება როგორ შეიძლება.“-ამბობს ჯაჭვლიანი.

წყარო: კვირის პალიტრა