კულტურული მემკვიდრეობის დაცვის ეროვნული სააგენტოს გენერალური დირექტორი ნიკა ანთიძე საყდრისში მიმდინარე პროცესებთან დაკავშირებით პატრიარქის განცხადებას ეხმაურება.

მისი თქმით, აღნიშნულ საკითხზე კულტურის მინისტრი უწმინდესობას თავად შეხვდება.

„პატრიარქის განცხადება ძალიან მნიშვნელოვანია. რა თქმა უნდა, ყველა, ვინც ვინც კი ძეგლს დააზიანებს, დაისჯება. საყდრისის შემთხვევაში, ეს ცოტა სხვაგვარად არის. აქ ყველაფერი კანონმდებლობის სრული დაცვით მოხდა. ბატონი მინისტრი უწმინდესობას შეხვდება და აუხსნის, თუ რა პროცესებთან გვაქვს საქმე“,- განაცხადა ნიკა ანთიძემ.

საპატრიარქო ძეგლისთვის კულტურული მემკვიდრეობის სტატუსის ჩამორთმევას სახელმწიფოებრივი აზროვნების წინააღმდეგ გაკეთებულ ყოვლად გაუმართლებელ ქმედებად მიიჩნევს.