დევნილთა მინისტრი სოზარ სუბარი დავით ონოფრიშვილზე გაკეთებულ განცხადებასთან დაკავშირებით განმარტებას აკეთებს.

როგორც მინისტრი ამბობს, მას არ უთქვამს, რომ კომიტეტის თავმჯდომარე ზოგადად, ოპოზიციონერი არ უნდა იყოს.

„გუშინაც ვთქვი, რომ შეიძლება იყოს გარემოს დაცვის კომიტეტის თავმჯდომარე, ევროინტეგრაციის კომიტეტის თავმჯდომარე. ადამიანის უფლებათა დაცვის კომიტეტის თავმჯდომარეც შეიძლება ოპოზიციონერი იყოს, მაგრამ მიმაჩნია, რომ საბიუჯეტო კომიტეტის თავმჯდომარე თუ ოპოზიციაში უდგას ბიუჯეტს და ის განმისაზღვრავს პრიორიტეტს, მაშინ ის ყოფილა ხელისუფლება და მე ოპოზიცია. მე ჩემი აზრი ვთქვი ნახევრად ხუმრობით და ნახევრად გულწრფელად. ეს არის პარლამენტის საქმე და არ ვაპირებ მასში ჩარევას“, - განაცხადა სუბარმა.

დევნილთა მინისტრის თქმით, საფინანსო-საბიუჯეტო კომიტეტის თავმჯდომარე არ შეიძლება იყოს ოპოზიციონერი. აღნიშნული განცხადება სუბარმა საფინანსო-საბიუჯეტო კომიტეტის თავმჯდომარის განცხადების საპასუხოდ განაცხადა, რომლიც მიხედვით, დევნილთა სამინისტროს თანხების ხარჯვის პრობლემა აქვს.