ექსპერტი ხათუნა ლაგაზიძე აუხსნელს უწოდებს გადაწყვეტილებას, რომლის მიხედვით საქართველო-ევროკავშირს შორის ასოცირების შეთანხმების რატიფიცირებაზე ხელისუფლების წარმომადგენლები არ ჩავლენ.

„ჩემთვის აუხსნელია ხელისუფლების ეს გადაწყვეტილება. პირიქით, რადგან იქ იმყოფება მიხეილ სააკაშვილი, დღევანდელი ხელისუფლების ჩაუსვლელობა ნიშნავს, რომ ე.წ. დაფნის გვირგვინებს მოიმკის ძირითადად სააკაშვილი. რატომ გაუთმეს და გაუსუფთავეს მინდორი ასეთ მნიშვნელოვან დღეს სააკაშვილს, ჩემთვის აუხსნელია“, - ამბობს ლაგაზიძე.

სტრასბურგში დღეს საქართველოს შესახებ ევროპარლამენტის მიერ მომზადებულ რეზოლუციაზე დებატები გაიმართება. დოკუმენტის კენჭისყრა ხვალ 18 დეკემბერს გაიმართება. ხვალ იგეგმება ევროკავშირთან ასოცირების ხელშეკრულების რატიფიცირებაც.