დევნილთა მინისტრის განცხადებით, საქართველო-ევროკავშირს შორის ასოცირების შეთანხმების რატიფიცირებას საქართველოდან წარმომადგენლობითი დელეგაცია დაესწრება.

რაც შეეხება, სტრასბურგში მიხეილ სააკაშვილის ჩასვლას, სუბარმა განაცხადა, რომ „სადაც უნდა იქ წავიდეს“.

„როგორც ვიცი სტრასბურგში მიდის საკმაოდ წარმომადგენლობითი დელეგაცია საქართველოს პარლამენტიდან. ასევე, როგორც მე ვიცი, ეს არის განსაზღვრული ევროპარლამენტის რეგულაციებით,“ - განაცხადა სუბარმა.

სტრასბურგში დღეს საქართველოს შესახებ ევროპარლამენტის მიერ მომზადებულ რეზოლუციაზე დებატები გაიმართება. დოკუმენტის კენჭისყრა ხვალ 18 დეკემბერს გაიმართება. ხვალ იგეგმება ევროკავშირთან ასოცირების ხელშეკრულების რატიფიცირებაც.

რატიფიკაციის პროცესს საქართველოს ხელისუფლებიდან მხოლოდ ორი დეპუტატი დაესწრება. აღმასრულებელი ხელისუფლების წარმომადგენლები კი ჩასვლას არ აპირებენ. სტრასბურგში საქართველოს ექს-პრეზიდენტს მიხეილ სააკაშვილსაც ელოდებიან. იგი სტრასბურგში ევროპის სახალო პარტიამ მიიწვია.