კულტურული მემკვიდრეობის დაცვის ეროვნული სააგენტოს დირექტორის ნიკოლოზ ანთიძის ბრიფინგზე საყდრისის გადარჩენის კომიტეტის წევრები შეიჭრნენ. აღნიშნულის გამო ანთიძემ ბრიფინგი აღარ გააგრძელა და ტერიტორია დატოვა.

საყდრისის დაცვის კომიტეტის წევრებმა და ადგილზე მისულმა სტუდენტებმა იგი შეძახილებით გააცილეს.

„ანთიძე არის კულტურული მემკვიდრეობის მნგრეველი და საყდრისის ამფეთქებელი“, - განაცხადეს სტუდენტებმა.

როგორც ცნობილია საყდრისის გადარჩენის კომიტეტის წევრები აქციას დღეს საზოგადოებრივ მაუწყებელთან გამართავენ.