ვიცე-პრემიერი, ენერგეტიკის მინისტრი კახი კალაძე ვადამდელი არჩევნების ჩატარების საშიშროებას ვერ ხედავს.

მისი თქმით, ამ ეტაპზე მთავრობაც და პარლამენტივ მუშაობას ჩვეულ რეჟიმში აგრძელებენ.

„იმდენად სწრაფად ვითარდება პოლიტიკური მოვლენები, რომ გამიჭირდება ვთქვა, შესაძლებელია თუ არა უახლოეს მომავალში ქვეყანაში ვადამდელი საპარლამენტო არჩევნების ჩატარება. ამ ეტაპზე ამის საშიშროებას ვერ ვხედავ. ყველაფერი ჩვეულ რეჟიმში მიმდინარეობს, მთავრობა, პარლამენტი მუშაობს. თუ რაიმე ცვლილებები განხორციელდება, საზოგადოება ამის შესახებ შეიტყობს“, - განაცხადა კალაძემ.