ჩემს მიერ გამოცემულ ბრძანებას აფეთქებებთან არანაირი კავშირი არ აქვს- კულტურის მინისტრი

პოლიტიკა - 00:34, 17 Dec, 2014

1995

მიხეილ გიორგაძის განცხადებით საყდრისთან დაკავშირებით მიღებულ გადაწყვეტილებას ორი მხარე აქვს სამართლებრივი და შინაარსობრივი, გიორგაძის თქმით სამართლებრივად გადაწყვეტილება ყველა წესის მიხედვით იქნა მიღებული, თუმცა შინაარსობრივად მინისტრი გადაწყვეტილებას იდეალურად არ თვლის.

„ჩემს მიერ გამოცემულ ბრძანებას აფეთქებებთან არანაირი კავშირი არ აქვს, ჩემი ბრძანება ეხებოდა ძეგლის სტატუსის მოხსნას, რომელიც დაფუძნებული იყო კულტურული მემკვიდრეობის საბჭოს გადაწყვეტილებაზე, რაც შეეხება იმას წსწორედ მიმაჩნია თუ არა ეს გადაწყვეტილება, სამართლებრივად ეს ყველა პროცედურის სრული დაცვით იქნა მიღებული, შინაარსობრივად მე ვფიქრობ რომ ეს არ იყო იდეალური გამოსავალი, თუმცა ფაქტობრივი გარემოებებიდან გამომდინარე და იმ დოკუმენტური მასალების გათვალისწინებით, რაც საბჭოს ხელთ ქონდა ეს იყო ოპტიმალური გადაწყვეტილება. ასევე იმ სოციალურ -ეკონომიკური ფონის გათვალისწინებით, რაც ბოლნისის რაიონშია.“- განაცხადა გიორგაძემ.

მიხეილ გიორგაძემ კომენტარი საყდრისის საკითხზე გადაწყვეტილების მიღებასთან ბიძინა ივანიშვილის კავშირსაც გამოეხმაურა, მისი განცხადებით საყდრისთან დაკავშირებით ყოფილ პრემიერთან არც პირდაპირი და არც შუამავლის საშუალებით კომუნიკაცია არ ქონია.

„მე ნამდვილად დისკომფორტს მიქმნის ის რომ ეს მსჯელობა გაცდა სამეცნიერო ფარგლებს და ჩვენ ვსაუბრობთ ემოციებით და რაციონალური მსჯელობა არ ხდება და არის მხოლოდ ურთიერთბრალდებები.“- აღნიშნა გიორგაძემ, მან ასევე დაამატა რომ პატრიარქის მხრიდან სურვილის გამოთქმის შემთხვევაში, ის ილია მეორეს შეხვდება და საყდრისთან დაკავშირებით დაწვრილებით ინფორმაციას მიაწვდის.

გიორგაძემ ასევე მზადყოფნა გამოთქვა, თავისი გადაწყვეტილების შესახებ საჯარო დისკუსიებშიც მიიღოს მონაწილეობა და შეხვდეს ამ საკითხით დაინტერესებულ პირებს.