,,RMG“არის რუსული კომპანია, მათ დაასამარეს მითი 3000 წლის ქართული სახელმწიფოს არსებობის შესახებ- ნიკა რურუა

პოლიტიკა - 23:54, 16 Dec, 2014

2582

კულტურის ყოფილი მინისტრი ნიკა რურუა საყდრისის აფეთქების ფაქტს გადაცემა "არჩევანში" გამოეხმაურა. რურუას თქმით "არემჯი გოლდი" არის რუსული კომპანია და ეს არის მოქმედების ის სტილი, რითაც გამოირჩევა რუსული ბიზნესი. ნიკა რურუას თქმით ამ პროცესთან შეხება დიდი ალბათობით ბიძინა ივანიშვილსაც ექნებოდა, რადგან მსგავს გადაწყვეტილებას კულტურის მინისტრი დამოუკიდებლად ვერ მიიღებდა.

„კომპანიამ ხელისუფლების ლობირებით მოახერხა და საყდრისისთვის მოახსნევინა სტატუსი, შემდეგ კი ყოველგვარი გარკვევის გარეშე ძეგლი ააფეთქეს.

რუსული ბიზნესი ასეთია, ძალმომრეობაზე აგებული, რომელსაც მიუფურთხებია ყველაფერი ღირებულისთვის. ეს არის იმის გაგრძელება რასაც რუსეთი ასწლეულების განმავლობაში აკეთებდა, და ძალაინ დასანანია რომ ეს 21 საუკუნეში კვლავ შეძლეს, მაგრამ არ დაგვავიწყდეს, რომ ეს ფაქტი ახალი ხელისუფლების ხელშეწყობით მოხდა.

მათ გაანადგურეს ის ადგილი, სადაც უნდა ჩატარებულიყო ობიექტური კვლევა, აქ განადგურდა მითი, იმაზე რომ 3000 წლის წინ საქართველოს ჰქონდა სახელმწიფო, რომელიც მოიპოვებდა ოქროს, ოქროს მოპოვება ნიშნავს განვითარებული სახელმწიფოს არსებობას და ეს ნიშნავს ქრისტეშობამდე არსებულ განვითარებულ სახელმწიფოს, ამ ამბის გაჟღერებით შესაძლებელი იყო ბევრად უფრო დიდი მოგების მიღება, მათ მოსპეს შემდგომში ყველანაირი კვლევის ჩატარების შესაძლებლობა.

დასამარდა არა მხოლოდ კულტურული მნიშვნელობის ძეგლი, არამედ ისიც, რომ საქართველოს ჩვენ წელთაღრიცხვამდე ჰქონდა მაღალგანვითარებული სახელმწიფო.“-ეს განცხადება ნიკა რურუამ თოქშოუ „არჩევანში“ გააკეთა.