ლანჩხუთელი დეკანოზი საატესტაციო კომისიას ტოვებს

პოლიტიკა - 17:46, 16 Dec, 2014

1499

ადგილობრივი მედიის მიერ გავრცელებული ინფორმაციის შემდეგ, დეკანოზმა მირიანმა საატესტაციო კომისია დატოვა.

ამის შესახებ დღეს, ამავე კომისიის თავმჯდომარემ და ამავდროულად ლანჩხუთის მუნიციპალიტეტის საკრებულოს თავმჯდომარის მოადგილემ, გელა კილაძემ გვაცნობა.

„გიდასტურებთ, რომ ჩემთან, კომისიის აწ უკვე ყოფილი წევრის, დეკანოზ მირიანის განცხადება, კომისიის შემადგენლობიდან გასვლასთან დაკავშირებით, ამ დილით შემოვიდა. განცხადებაში, კომისიიდან წასვლის მიზეზად დეკანოზი, არასამთავრობო ორგანიზაციების მიერ ატეხილ აჟიოტაჟს ასახელებს“-გვითხრა კილაძემ.

პარალელურად, სარწმუნო წყარო იტყობინება, რომ დეკანოზმა საატესტაციო კომისია საპატრიარქოდან შემოსული ზარის შემდეგ დატოვა.

ცნობისათვის, ლანჩხუთის მუნიციპალიტეტის საკრებულომ, 5 თანამდებობაზე ვაკანსია გამოაცხადა და საჯარო მოხელეთა შერჩევის მიზნით საატესტაციო კომისია ჩამოაყალიბა.

სწორედ ამ კომისიის წევრი იყო დეკანოზი მირიანი. თუ ვინ იქნება მისი ადგილმონაცვლე კომისიაში, ჯერ-ჯერობით გადაწყვეტილი არ არის.

დეკანოზი მირიანის ლანჩხუთის საკონკურსო_საატესტაციო კომისიის წევრობასთან დაკავშირებით გადაწყვეტილება, ამავე კომისიის თავმჯდომარემ კილაძემ, როგორც თავად გვარწმუნებს, დეკანოზთან შეთანხმებით პირადად მიიღო.

თეა იოსელიანი-გურია