საჯარო სექტორში დასაქმებულთა ანაზღაურების დაფინანსება 360 მილიონით, შტატების რაოდენობა კი 2 ათასით არის გაზრდილი.

საჯარო სამსახურების სახელფასო და საშტატო ნუსხები არასამთავრობო ორგანიზაცია „საერთაშორისო გამჭვირვალობა საქართველომ” შეისწავლა.

ორგანიზაცია მთავრობას კითხვით მიმართავს, თუ რატომ გაიზარდა შრომის ანაზღაურება საჯარო სექტორში 360 მილიონი ლარით.

„რაოდენობის მიხედვით ეს არის დაახლოებით 2 ათასი საჯარო მოსამსახურე დამატებით. მხოლოდ სახელფასო ხარჯი აი ამ მონაცების გათვალისწინებით, დაახლოებით, დამატებით 17 მილიონია სახელმწიფო ბიუჯეტიდან. იმის შანსი, რომ ეს იყოს ბოროტად და არამიზნობრივად გამოყენებული, არსებობს,” - აცხადებს ორგანიზაციის იურისი გიორგი ჩიხლაძე.