საქალაქო სასამართლოში როლანდ ახალაიას სასამართლო პროცესი გაიმართა, სადაც ბრალდების 4 მოწმე დაიკითხა. ისინი საქმეში დაზარალებულად არიან ცნობილი. საუბარია 2009 წელს როლანდ ახალაიას საოლქო პროკურორად მუშაობის პერიოდზე.

ბრალდების მიხედვით, პირებს, საპროცესო შეთანხმების სანაცვლოდ, ახალაია ფულს სძალავდა.

„პროკურატურა ცდილობს საზოგადოება შეცდომაში შეიყვანოს. ე.წ. დაზარალებულები არ ადასტურებენ ბრალს. მათ შორის ზოგი დაზარალებულადაც არ არის ცნობილი. ეს არის პოლიტიკური ანგარიშწორება და შურისძიება“, - განაცხადა პროცესის დასრულების შემდეგ ახალაიამ.