საქართველოს ახალგაზრდა იურისტთა ასოციასციის თავმჯდომარე კახა კოჟორიძე საყდრისში მომხდარ ფაქტს ეხმაურება და მას ვერაგობას უწოდებს.

კოჟორიძის თქმით, ვიღაცის რჩევით ახალგაზრდა იურისტთა ასოციაციას ყველანაირი სამართლებრივი მექანიზმი ხელიდან გამოაცალეს, რადგან იცოდნენ, რომ დავას წააგებდნენ.

„ადამიანიურ ენაზე ამას ქვია ვერაგობა. ჩვენ არ დაგვიტოვეს სასამართლოში დავის საშუალება. იცოდნენ, რომ დავას მოვუგებდით მაღალი ალბათობით, იმიტომ რომ ჩვენ შევუჩერეთ მსხვილმასშტაბიანი სამუშაოების წარმოების უფლება, ყველა სამართლებრივ მექანიზმს ვიყენებდით იმისთვის, რომ რაღაც შედეგისთვის მიგვეღწია, მაგრამ პრობლემა არის ის, რომ ეს სამართლებრივი მექანიზმი გამოგვაცალეს ხელიდან, როგორც ჩანს ვიღაცამ ძალიან კარგი რჩევა მისცა“ განაცხადა კახა კოჟორიძემ.