პარლამენტის განათლების კომიტეტის თავმჯდომარე ვანო კიღურაძე არ ეთანხმება აღმასრულებელი ხელისუფლების პოზიციას, რომ „უმაღლესი განათლების შესახებ“ კანონპროექტი დაჩქარებული წესით უნდა განიხილოს.

კიღურაძის თქმით, მსგავსი საკითხების განხილვა „ფაცი-ფუცით არ უნდა მოხდეს“.

„ინიციატივა ეხება ქართულ უნივერსიტეტებში სან-დიეგოს უნივერსიტეტის მიერ შემოთავაზებული საბაკალავრო პროგრამების დანერგვას. მაინტერესებს, გაიარეს თუ არა ამ საბაკალავრო პროგრამებმა ექსპერტიზა საქართველოში?! საქმის ასე ზერელედ გაკეთდება არ შეიძლება. საქართველო არც სვაზილენდის სამეფოა და არც სახას რესპუბლიკა, რომ უცხოეთიდან რაღაც პროგრამას გამოგზავნიან და თქვა, ეს საერთაშორისო სტანდარტებისაა“, - განაცხადა ივანე კიღურაძემ.

„უმაღლესი განათლების შესახებ“ კანონპროექტი ქართულ უმაღლესს სასწავლებლებში მეცნიერების, ტექნოლოგიის, ინჟინერიისა და მათემატიკის დარგებში ბაკალავრიატის საგანმანათლებლო პროგრამების დანერგვას ითვალისწინებს.