ბიძინა ივანიშვილის შემდეგი სამიზნე ვიცე-პრემიერი, ენერგეტიკის მინისტრი კახა კალაძე იქნება. ამის შესახებ ინფორმაციას გაზეთი „ქრონიკა“ ავრცელებს.

გამოცემასთან საუბარში ვალერი გელბახიანი ამბობს, რომ კალაძის გადადგომაზე გავრცელებული ხმები, სინამდვილეს შეესაბამება.

„მისი გადადგომის საკითხი არ მოიხსნება, რადგან თემებმა სხვა სიბრტყეში გადმოინაცვლა. კახი კალაძის საკითხი ამ ეტაპზე მიზანშეწონილობას კარგავს, თუმცა უნდა იცოდეთ, რომ კახი კალაძის საკითხი დღის წესრიგიდან არ მოხსნილა. კალაძის ირგვლივ მოარული ხმები რაღაც სინამდვილეს, რა თქმა უნდა, შეესაბამება. მას როგორც ყოფილ სპორტსმენს, ბუნებრივია, მხარდაჭერა და გავლენა ექნება საზოგადოებაში... თუმცა როცა ხელისუფლებაში გაქვს მნიშვნელოვანი ძალაუფლება, ენერგეტიკის დარგში პირადი ინტერსები არ უნდა არსებობდეს. მას გამოუვლინდა ბიზნესში კერძო ინტერესები, რაც დაფიქსირებულია ფაქტებით. თუ დღეს კახი კალაძის საქმიანობა აქტუალური არ არის, მხოლოდ იმიტომ, რომ პარალელურად ვითარდება ძალიან მნიშვნელოვანი მოვლენები და ამ ეტაპზე კახი კალაძის საქმე მიზანშეწონილობას კარგავს, მაგრამ ის, რომ კალაძის საქმე არ ჩაიფარცხება და ამას რეგირება მოჰყვება, ამ საკითხში დარწმუნებული ვარ“, - განაცხადა ვალერი გელბახიანმა.