იუსტიციის მინისტრის თეა წულუკიანის განცხადებით, ორ წელიწადში საქართველოს მოსამართლეთა ღირსეული კორპუსი ეყოლება.

მისი თქმით, მოსამართლეთა ახალი კორპუსი მოგვცემს იმის საშუალებას, რომ სისხლის სამართლის პროცესის მიმართ არანაირი კითხვები აღარ იყოს.

"ძალიან ბევრს ვმუშაობთ იმისთვის, რომ მართლმსაჯულება, მოსამართლეები იყვნენ თავისი ხელმძღვანელობისგან დამოუკიდებელი. არ უნდა არსებობდეს აღქმა, რომელიც შეიძლება ხანდახან რომელიმე პროცესს ჩრდილს აყენებდეს. როგორც ODIHR-ის დასკვნა აჩვენებს, ახლა მთავარია, რომ რეკომენდაციები, რომლებიც გაიცა, უკვე სასამართლოს შიგნით რეფორმირებას მოემსახუროს. ვფიქრობ, ერთ-ორ წელიწადში ჩვენ გვეყოლება მოსამართლეთა ღირსეული კორპუსი, რომელიც იმის საშუალებას მოგვცემს, რომ არანაირი კითხვის ნიშნები არც ერთი სისხლის სამართლის პროცესის მიმართ აღარ იქნება", - განაცხადა თეა წულუკიანმა.