რუსეთში ქართველთა კავშირის ხელმძღვანელი, ბიზნესმენი მიხეილ ხუბუტია რუსეთის პრეზიდენტს ვლადიმერ პუტინის და საქართველოს პრემიერ-მინისტრ ირაკლი ღარიბაშვილის ხასიათებს შორის ბევრ საერთოს ხედავს.

ამის შესახებ ხუბუტიამ გაზეთ „ასავალ-დასავალთან“ ინტერვიუში აცხადებს.

„ძალიან დიდი სიმპათიებით ვარ განწყობილი და ძალიან იმედიანად ვუყურებ საქართველოს დღევანდელ პრემიერ-მინისტრს, რომელიც ძალიან პერსპექტიული პოლიტიკოსია! პუტინსა და ღარიბაშვილის ხასიათებს შორის ბევრ დამთხვევას ვხედავ - ორივე ძალიან „მიმწოლი“ტიპები არიან და ორივე თავ-თავისი სამშობლოს დიდი პატრიოტია. დარწმუნებული ვარ, პუტინი ღარიბაშვილს შეხედავს, როგორც უმცროს მეგობარს, ძალიან თავაზიანად დაელაპარაკება და რუსეთ-საქართველოს შორის დაიწყება ძალიან კარგი დიალოგი“, - ამბობს ხუბუტია.