საგარეო საქმეთა სამინისტროში პროვოკაციულს და პოპულისტურს უწოდებენ რაულ ხაჯიმბას განცხადებას, რომლის მიხედვითაც „ენგურჰესი“ აფხაზეთს უნდა ეკუთვნოდეს.

როგორც საგარეო უწყების სპიკერმა დავით კერესელიძემ განაცხადა, ხაჯიმბას სურვილის განხორციელება ტექნიკურად შეუძლებელია.

„აუცილებლად მინდა ხაზგასმით აღვნიშნო, რომ მიუხედავად 20 წელზე მეტი კონფლიქტისა, ენერგოსფეროში თანამშრომლობა რა სტატუსკვოც ჰქონდა ენგურს და როგორც მუშაობდა ეს კაშხალი, სამაგალითო იყო. მეც მოვისმინე დარგის სპეციალისტების შეფასება და მაქვს რწმუნება, რომ ამ საკითხს არაფერი ემუქრება, რადგან ეს არის ჩვენი კუთვნილება“, - განაცხადა დავით კერესელიძემ.