„თავისუფალი დემოკრატები“ მიიჩნევენ, რომ საყდრისში მიმდინარე პროცესებთან დაკავშირებით ხელისუფლების ქმედებები „ნაციონალური მოძრაობის“ პოლიტიკას ემსგავსება.

ამის შესახებ პარტიის წევრმა ზურაბ აბაშიძემ განაცხადა.

მისი თქმით, მთავრობას საყდრისისთვის კულტურული მემკვიდრეობის ძეგლის სტატუსის გაუქმებასთან დაკავშირებით პასუხის გაცემა აუცილებლად მოუწევს.

"დღევანდელმა მთავრობამ კიდევ ერთხელ გამოჩინა რომ აბსოლუტურად არაადექვატურია თავის ქმედებებში, ის ძალადობა რომელიც ხდება არის დამახასიათებელი ნაციონალური მოძრაობისთვის. ამიტომ საქართველოს კულტურის სამინისტრომ და მთავრობამ ამაზე რა თქმა უნდა სერიოზული პასუხები უნდა გასცეს,“ - განაცხადა ზურაბ აბაშიძემ „რუსთავი 2“-თან საუბრისას.