კულტურის მინისტრი საყდრისთან დაკავშირებით პასუხისმგებლობას იღებს

კულტურის მინისტრი საყდრისთან დაკავშირებით პასუხისმგებლობას იღებს - გიორგაძის პირველი კომენტარი

პოლიტიკა - 21:05, 14 Dec, 2014

3398

საყდრისი-ყაჩაღიანი საბადოსთვის ძეგლის სტატუსის ჩამორჩმევასა და საბადოში სამუშაოების განახლების გადაწყვეტილების მიღებასთან დაკავშირებით კომენტარი გააკეთა კულტურისა და ძეგლთა დაცვის მინისტრმა მიხეილ გიორგაძემ.

,,იმედის კვირასთან“ მინისტრმა საქართველოს კათალიკოს-პატრიარქის და საქართველოს ეკლესიის განცხადებაზეც ისაუბრა და აღნიშნა, რომ ის შეეცდება ილია მეორეს პირადად ესაუბროს საკითხის დეტალებზე.

,,ჩვენთვის უწმინდესის აზრს ძალიან დიდი მნიშვნელობა აქვს და მე პირადად, მას აუცილებლად გავაცნობ საქმის დეტალებს და იმას, თუ რის საფუძველზე მიიღო კულტურული მემკვიდრეობის დაცვის საბჭომ გადაწყვეტილება, რომ ძეგლის სტატუსი გაუქმებულიყო და რის საფუძველზეც გამოიცა ჩემი ბრძანებულება. ეს გადაწყვეტილება საბჭომ მიიღო კანონით გათავლისწინებული ყველა პროცედურის დაცვით და მას ხელთ არსებული დოკუმენტაციით და ფაქტობრივი გარემოებების გათვალისწინებით“, - განაცხადა გიორგაძემ

რაც შეეხება ფაქტებს, რის საფუძველზე მოხდა ამ გადაწყვეტილების მიღება, მინისტრი გეოლოგიურ დასკვენბზე საუბრობს, რომელიც კულტურული მემკვიდრეობის დაცვის საბჭოს ხელთ არსებობს.

,,ეს საკითხი გატანილი იყო ეროვნული მიზუმის სამეცნიერო საბჭოზეც და იქ იქნა განხილული. არც რაიმე სახის პროტესტი და სხვა ალტერნატივა შემოთავაზებული არ იყო და დასკვნით ნაწილში, რომელიც სააგენტომ მიიღო, პროტესტი და ალტერნატივა არ ყოფილა იმ უწყებებიდან, ვისაც ხელეწიფებათ ამაზე გადაწყვეტილების მიღება“, - განაცხადა კულტურის მინისტრმა.

მიხეილ გიორგაძე ამბობს, რომ ის მზად არის აიღოს პასუხისმგებლობა საყდრისთან დაკავშირებით, მისი თქმით, განსხვავებით წინამორბედიგან, ის არც შვებულებაში გასულა ამის გამო და არც ნებისმიერ კითხვას აარიდებს თავს.

,,ცხადია, ადამიანი, რომელიც არის კულტურის მინიტრი, ის თავის ქმედებებზე პასუხისმგებლობას იღებს. მე როგორც ხედავთ ჩემი წინამორბედისგან გასხვავებით შვებულებაში არ გავსულვარ და არცერთ საკიხთზე კითხვებს არ გავურბივარ“ - აღნიშნა მინისტრმა.