თბილისის მერმა დავით ნარმანიამ ის ადგილები მოინახულა, სადაც არასამთავრობო ორგანიზაციებისა და საკრებულოს უმცირესობის ინფორმაციით, გზა დაგებულია, თუმცა გამგეობებს ბიუჯეტში თანხები მაინც გაწერილი აქვთ.

ნარმანია განმარტავს, რომ აღნიშნულ ადგილებზე გზა უხარისხოდ იყო დაგებილი და რეაბილიტაციას საჭიროებდა.

„ის რაც ჩვენმა ოპონენტებმა თქვეს, არის სიცრუე, რადგან ერთი ნაწილი არის მათი მმართველობის პირობებში უხარისხოდ გაკეთებული და დაზიანებულია და ხელახლა არის გასაკეთებელი. მეორე ნაწილი კი მართლა გასაკეთებელია და აქტები ამასთან დაკავშირებით გამგეობას მომზადებული აქვს. ჩვენ ადრე გაზფხულზე უნდა დავიწყოთ სამუშაოები.ის ინფორმაცია, რასაც ისინი მიზანმიმართულად ავრცელებენ, არის სიცრუე,“ - განაცხადა ნარმანიამ.