ლევან დოლიძის გადადგომა პოლიტიკური გადაწყვეტილება იყო

ლევან დოლიძის გადადგომა პოლიტიკური გადაწყვეტილება იყო - ზვიად კვაჭანტირაძე

პოლიტიკა - 14:05, 13 Dec, 2014

1908

ზვიად კვაჭანტირაძე დოლიძის პროფესიონალიზმს უსვამს ხაზს, თუმცა მის ამ გადაწყვეტილებას პოლიტიკურს უწოდებს. რაც შეეხება მის შემცვლელს, კვაჭანტირაძის თქმით, საკითხის გარშემო კონსულტაციები პარლამენტსა და მთავრობას შორის ჯერ არ გამართულა.

"თავისი ბეგრაუნდიდან და პროფესიონალიზმიდან გამომდინარე, რა თქმა უნდა იყო და დარჩება ალბათ კვლავაც ძალიან საინტერესო პროფესიონალად, მაგრამ მე ვფიქრობ, რომ რადგანაც ეს მისი გადაწყვეტილება იყო, იყო პოლიტიკური გადაწყვეტილება. კადრებზე ვერაფერს ვერ გეტყვით, ეს არის უშუალოდ პრემიერ-მინისტრის და მთავრობის პრეროგატივა. თუ კონსულტაციები იქნება პარლამენტის შესაბამის კომიტეტებთან, ჩვენ სიამოვნებით მივიღებთ ამ კონსულტაციებში მონაწილეობას. ვფიქრობ, რომ გადაწყვეტილება მალე უნდა იქნეს მიღებული. ჩვენ აუცილებლად გამოვძებნით ღირსეულ კანდიდატურას ამ თანამდებობაზე, რომელიც ღირსეულად წარუძღვება ჩვენს დიპლომატიურ ურთიერთობებს ნატოსთან,"-განაცხადა ზვიად კვაჭანტირაძემ.

პრეზიდენტმა ნატო-ში საქართველოს მუდმივი წარმომადგენლის ლევან დოლიძის განცხადება თანამდებობის დატოვების შესახებ დააკმაყოფილა. დოლიძის თანამდებობიდან წასვლის შესახებ პრეზიდენტის განკარგულება 10 დეკემბერს გამოიცა, ხოლო ის პოსტს 26 იანვარს დატოვებს. ჯერჯერობით უცნობია ვინ იქნება ლევან დოლიძის შემცვლელი.

ლევან დოლიძის თანამდებობიდან გადადგომას აფასებს მისი ძმა, თავისუფალი დემოკრატების წევრი ვიქტორ დოლიძე. მისი თქმით, თანამდებობის დატოვების მიუხედავად ნატო-ში საქართველოს მუდმივი წარმომადგენლი, ლევან დოლიძე, თებერვალში დაგეგმილ თავდაცვის მინისტერიალის მომზადების პროცესში მონაწილეობას მიიღებს.