საქართველოს პარლამენტის დეპუტატს, საპარლამენტო უმცირესობის წევრ გოგა ხაჩიძის მხრიდან ფინანსთა მინიტრის ნოდარ ხადურის მისამართით გაკეთებულ შეთავაზებას უმრავლესობის წევრი შოთა ხაბარელი გამოეხმაურა, გოგა ხაჩიძეს იუმორის გრძნობა შეუქო თუმცა დაამატა რომ პარლამენტში ხუმრობის დრო არ არის.

„თქვენი საპირწონე არ არის ჩვენი მინისტრი, თქვენ ყოველთვის გამოირჩეოდით იუმორის გრძნობით , აქ ხუმრობის დრო ნამდვილად არ არის, ბიუჯეტი არის ძალიან კარგად დაგეგმილი, ეს ბიუჯეტიც შესრულდება, ყველა მიმართულებით არის ზრდა, პროგრესირებადი ბიუჯეტია და ამას აუცილებლად ხმას მივცემთ, საზოგადოება ძალიან კარგად ხვდება თქვენ დღეს საით ხართ“- განაცხადა ხაბარელმა

შეგახსენებთ, გოგა ხაჩიძე ნოდარ ხადურს მოუწოდებს ბიუჯეტის ვერშესრულების შემთხვევაში თანამდებობა დატოვოს, თავის მხრივ კი პირობას იძლევა, რომ ბიუჯეტის შესრულების შემთხვევაში თავად დატოვებს დეპუტატის მანდატს.