საკანონდებლო ორგანოში ბიუჯეტის ხმაურიან განხილვას უმცირესობის წევრი ირმა ნადირაშვილი გამოეხმაურა-„აზრი არა აქვს, ოლიგარქის გულს მაინც ვერ მოიგებთ, როგორც კი დასჭირდება, თქვენს თავსაც თავის ზვიგენებს ისე ჩაუგდებს, როგორც წინა კვირას, ღარიბაშვილის ნათესავების ნაწილი ჩაუყარა“.

"ეტყობა იმ მესიჯ-ბოქსში, რომელიც ყოველი კვირის დასაწყისში კანცელარიიდან მოგდით, ამ კვირას მოგწერეს, რომ ყველაფერზე უნდა ილაპარაკოთ, რომ ყველაფერი კარგად არის, ქვეყანა შენდება და თვითკმაყოფილი სახეები უნდა გქონდეთ. თვენს მიერ შექმნილ ზღაპრულ სამყაროში ცხოვრებით ისე გაერთეთ, რომ ყველაფერზე კონტროლი დაკარგეთ და სრულიად ასტრონომიული ციფრი დაწერეთ, რომ თურმე ინვესტიციები 508-მილიონით გაიზარდა. თუ ეს ყველაფერი მართლა ასეა, ამას თქვენს გარდა, ვერავინ უნდა გრძნობდეს?! ადამიანები გარეთ აბსოლუტურად სხვა რამეს გრძნობენ და სხვა რამეზე წუხან. ხალხი საკუთარ თავზე გრძობს, რომ მათი პირობები უარესდება", - განაცხადა ნადირაშვილმა პარლამენტის სხდომაზე.