თბილისის მთავარი სამმართველოს შენობასთან მეტრომშენის ყოფილმა და მოქმედმა თანამშრომლებმა აქცია გამართეს. აქციის მონაწილეებმა მათთვის აშენებულ ბინებში შეჭრილი ადამიანების გამოსახლება მოთხოვეს.

მეტრომშენის თანამშრომლებისთვის ბინები 90-იან წლებში აშენდა, თუმცა ეს ადამიანები საკუთარ ბინებში შესვლას დღემდე ვერ ახერხებენ. აქციის მონაწილეების თქმით სასამართლო ერთი წლის წინ მოიგეს თუმცა დღემდე კუთვნილ ბინებს ვერ იბრუნებენ.

„22 წელია ვერ შევსულვარ საკუთარ ბინაში, რატომ უნდა ვიდგე მათხოვრულად ქუჩაში და ვეხვეწებოდე სხვას საკუთარ ბინაში შეშვებას?“- კითხულობს ერთ-ერთი ბინის მეპატრონე.