„დავით გაგუას“ კლინიკა და კლინიკა „ინ ვიტრო“ ბავშვების ვაჭრობის საქმეში ღიად არიან ჩართული“, - ამის შესახებ განცხადებას ადვოკატი ზურაბ ჯორბენაძე აკეთებს.

მისი განმარტებით, მისი დაცვის ქვეშ მყოფი ქალბატონის ჩვილი მისცეს ქალბატონს, რომელიც ამავე საადმყოფოში იწვა, თუმცა არ უმშობიარია.

„ამ ორმა კლინიკამ, ჩემი კლიენტის მეშვეობით "გააპრავა" კანონის დარღვევით ბავშვის გაშვილება. მე ვერ გავასაჯაროებ, ჩემი კლიენტის სახელს და გვარს, მაგრამ მისი მეშვეობით მოხდა, ისეთი ადამიანის მშობიარედ გასაღება, რომელსაც არ უმშობიარია და შემდეგ მისთვის ბავშვის კანონის გვერდით ავლით გადაცემა. ვადასტურებ, რომ ჩემს კლიენტს მძიმე ეკონომიკური სიტუაცია ჰქონდა და თანხა აიღო, მაგრამ კანონი ყველასთვის ერთი უნდა იყოს. ვთხოვ საქართველოს ხელისუფლებას, რომ დაინტერესდეს ამ საქმით. გამოსაძლებელია ეს საქმე, რადგან ეს ერთეული შემთხვევა არ არის. ამით ეს ორი კლინიკა დიდ მატერიალურ შემოსავალს ღებულობს ",- განაცახდა ჯორბენაძემ.