თბილისის მერი პროკურატურის მიერ თბილისობის ხარჯებთან დაკავშირებით მიმდინარე გამოძიებას გამოეხმაურა. მისი თქმით, დედაქალაქის მთავრობის ინტერესებში შედის, რომ სიმართლე დადგინდეს.

„ჩვენ პროკურარტურას მივაწოდეთ მათ მიერ მოთხოვნილი ინფორმაცია. დარწმუნებული ვარ, რომ ჩვენ ყველაფერი მაქსიმალურად ღიად გავაკეთეთ და კანონის დარღევას ადგილი არ ჰქონია. თუმცა ჩვენ ინტერესებში შედის, რომ დადგინდეს, თუ სადმე რაიმე სახის დარღვევას ჰქონდა ადგილი, რომ მოვახდინოთ რეაგირება“, - განაცხადა ნარმანიამ.

თბილისობის დღესასწაულთან დაკავშირებულ შესყიდვების საქმეზე სამსახურებრივი უფლებამოსილების ბოროტად გამოყენებისა და მითვისება-გაფლანგვის მუხლებით გამოძიება მიმდინარეობს.