პარლამენტი 2015 წლის სახელმწიფო ბიუჯეტის პროექტის საბოლოო ვარიანტს დღეს დაამტკიცებს. კანონმდებლებს მომავალი წლის მთავარ ფინანსურ დოკუმენტს, ნოდარ ხადური წარუდგენს.

პროექტის მიხედვით, ბიუჯეტის შემოსულობები 9 მილიარდ 875 მილიონი ლარია, გადასახდელები კი, 9 მილიარდ 575 მილიონით განისაზღვრა.

დოკუმენტში პრიორიტეტები ჯანდაცვას, განათლებას და ინფრასტრუქტურას მიენიჭა. ბიუჯეტის პროექტს „ნაციონალური მოძრაობა“ მხარს არ უჭერს. მათი თქმით, ის არ ასახავს ეკონომიკურ ზრდას. რაც შეეხებათ "თავისუფალი დემოკრატებს", ისინი საბოლოო გადაწყვეტილებას ფრაქციის სხდომაზე მიიღებენ.