თავდაცვის კომიტეტის თავმჯდომარე ირაკლი სესიაშვილი აშშ-ის მხრიდან საქართველოსთვის განკუთვნილ 30 მილიონიან სამხედრო დახმარებას ეხმაურება.

მისი თქმით, დასავლეთი მივიდა გადაწყვეტილებამდე, რომ ითანამშრომლოს იმ ქვეყნებთან, რომლებსაც ევროპული არჩევანი აქვთ გაკეთებული.

„რუსეთის მხრიდან დამოუკიდებელ სახელმწიფოებზე აგრესიის პარალელურად დასავლეთი მივიდა იმ გადაწყვეტილებამდე, რომ საჭიროა ამ საფრთხის მატარებელ ქვეყნებთან მეტი თანამშრომლობა, განსაკუთრებით იმ ქვეყნებთან, რომლებსაც ევროპული არჩევანი აქვთ გაკეთებული. ეს არის საქართველო უკრაინა მოლდოვა. აქ მხოლოდ პოლიტიკურ მხარდაჭერაზე არ არის საუბარი, არამედ საუბარია კონკრეტულ ნაბიჯებსა და ფინანსურ მხარდაჭერაზე, რომელიც პირდაპირ მიმართულია ამ ქვეყნების თავდაცვისუნარიანობის გაზრდისკე“, - განაცხადა სესიაშვილმა.

ამერიკის შეერთებული შტატების მომავალი წლის ბიუჯეტში შესაძლოა, საქართველოსთვის 30 მილიონი დოლარის სამხედრო დახმარებაც მოხვდეს.

საგარეო უწყების ინფორმაციით, საქართველოსთვის ფინანსური მხარდაჭერის გადაწყვეტილებას სენატსა და კონგრესში მხარი დაუჭირეს როგორც რესპუბლიკელებმა, ისე დემოკრატებმაც.