უმცირესობის წევრი გივი თარგამაძე ლეონარდო დევდარიანს პასუხობს, რომელიც დეპუტატს ცილისწამების გამო უჩივის.

როგორც „ნიუპოსტთან“ საუბრისას თარგამაძე ამბობს, მას აქვს მტკიცებულებები, რომელიც დევდარიანის მისამართით გაკეთებულ განცხადებებს ადასტურებს.

„რაც შეეხება სარჩელს, თავისთავად საინტერესო ფორმაა, რომ ცილისწამებაზე და ბარემ ახალგორის ჩაბარებაზე შეიტანა. რაც შეეხება თავად ლეონარდო დევდარიანს, ჩვენ ვიცით ვინც არის და რასაც წამროადგენს. საინტერესო მომენტი იყო, როდესაც თქვა, რომ ბესიკ დევდარიანი ჩემი ძმიშვილი არ არისო. არც არსად არ მითქვამს, რომ მისი ძმიშვილი იყო. მე ვთქვი, რომ ნათესავია. მე მფარველობას ვგულოხმობ იმაში, რომ ბესიკ დევდარიანის სიძე სასჯელს იხდიდა თამაზაშვილთან ერთად. შესაბამისად, როდესაც ისინი ხელისუფლებაში მოვიდნენ თამაზაშვილმა უთხრა ღარიბაშვილს, რომ ის ადამიანი, ვინც ჩემთან ერთად იჯდა მთავაზობს, რომ ჩემი მოყვარე დავნიშნოთ შინაგან საქმეთა სამინიშტროში და დანიშნეს. ის იყო შსს-ს ადმინისტრაციის უფროსი. ეხლა არის სასჯელაღსრულების დეპარტამენტის უფროსის მოადგილე. ბესიკ დევდარიანი არის ღარიბაშვილის კადრი. სწორედ თამაზ თამაზაშვილი დაეხმარა მას ბიზნესპოზიციების დაკავებაში. რაც შეეხება 27 მილიონის ამბავს, ეს ყველაფერი გვაქვს დოკუმენტალურად. ჩვენ ამას და დამატებით სხვა დოკუმენტებს საზოგადოებას ხვალ წარმოუდგენთ. უშუალოდ დოკუმენტებს რაც შეეხება, თუ დააინტერესებს პროკურატურას, მზად ვართ წარმოვადგინოთ“, - აცხადებს თარგამაძე.

ლეონარდო დევდარიანმა საქართველოს ექსპრეზიდენტის მიხეილ სააკაშვილის და ყოფილი მაღალჩინოსნების წინააღმდეგ პროკურატურაში სარჩელი დღეს შეიტანა. ის ყოფილ მაღალჩინოსნებს ახალგორის გაყიდვაში და სახელმწიფოს ღალატში ადანაშაულებს. დევდარიანი ასევე „ნაციონალური მოძრაობის“ წევრს გივი თარგამაძეს ცილისწამების გამო სთხოვს პასუხს. საუბარია დეპუტატის მიერ გადაცემა „არჩევანში“ გაკეთებულ განცხადებაში, სადაც თარგამაძემ ლეონარდო დევდარიანი „ეფესბეს“ აგენტად მოიხსენია და თქვა, რომ მას ირაკლი ღარიბაშვილი მფარველობს.